16.08.26 - 22:10
Ívan Guðjón Baldursson
Ronaldo: Þetta er líklega síðasta árið mitt
Mynd: EPA
Mynd: EPA
Mynd: EPA
Portúgalska goðsögnin Cristiano Ronaldo gæti lagt takkaskóna á hilluna eftir tímabilið í Sádi-Arabíu. Þetta sagði hann í viðtali við Vogue eftir að hafa gift sig á dögunum.
TENGT EFNI
Nýgiftur Ronaldo mætti með nýtt útlit eftir sumarfríið
Ronaldo tilkynnti það fyrir heimsmeistaramótið í sumar að þetta yrði hans síðasta HM á ferlinum og nú gæti hann gengið skrefinu lengra og hætt í fótbolta eftir tímabilið.
„Þetta er líklega síðasta árið mitt í fótbolta og ég vil skilja stórkostlega arfleifð eftir mig," sagði Ronaldo.
Ronaldo er aðeins með eitt ár eftir af samningi sínum við Al-Nassr, sem hann hjálpaði að vinna langþráðan deildartitil á síðustu leiktíð. Ronaldo hefur verið afar iðinn við markaskorun þrátt fyrir hækkandi aldur, en hann er 41 árs gamall og búinn að skora 976 mörk á ferli sínum sem atvinnumaður. Hann er því aðeins 24 mörkum frá því að verða sá fyrsti í sögunni til að skora 1000.
Hann varð í sumar fyrstur í sögunni til að skora á sex heimsmeistaramótum en á sínum ferli hefur hann unnið aragrúa af titlum og einstaklingsverðlaunum. Það er ekki af ástæðulausu sem Ronaldo er almennt talinn einn af allra bestu fótboltamönnum sögunnar.
„Þetta er líklega síðasta árið mitt í fótbolta og ég vil skilja stórkostlega arfleifð eftir mig," sagði Ronaldo.
Ronaldo er aðeins með eitt ár eftir af samningi sínum við Al-Nassr, sem hann hjálpaði að vinna langþráðan deildartitil á síðustu leiktíð. Ronaldo hefur verið afar iðinn við markaskorun þrátt fyrir hækkandi aldur, en hann er 41 árs gamall og búinn að skora 976 mörk á ferli sínum sem atvinnumaður. Hann er því aðeins 24 mörkum frá því að verða sá fyrsti í sögunni til að skora 1000.
Hann varð í sumar fyrstur í sögunni til að skora á sex heimsmeistaramótum en á sínum ferli hefur hann unnið aragrúa af titlum og einstaklingsverðlaunum. Það er ekki af ástæðulausu sem Ronaldo er almennt talinn einn af allra bestu fótboltamönnum sögunnar.
Mynd: EPA
