„Við stefnum hraðbyrði á að jafna jafnteflismetið í deildinni. Við erum komnir með tíu og það þarf 12 til að jafna," sagði Gunnar Þorsteinsson, fyrirliði Grindavíkur, eftir jafntefli gegn ÍA í Pepsi Max-deildinni í kvöld.

Lestu um leikinn: ÍA 1 -  1 Grindavík

„Saga sumarsins. Fyrsta alvöru tilraunin hjá mótherjanum er upp í vinkilinn. Mér fannst við spila að mörgu leyti mjög vel og mögulega var þetta einn af okkar betri leikjum í sumar."

Eftir jafnteflið er Grindavík sex stigum frá öruggu sæti þegar liðið á tvo leiki eftir. Það þarf allt að ganga upp til þess að liðið haldi sér upp í Pepsi Max-deildinni.

„Það er súrt að ná bara jafntefli þar sem við þurftum bráðnauðsynlega á þremur stigum að halda. Við þurfum bara að bíða eftir næsta leik."

„Við getum bara ekki skorað. Zeba er eini leikmaður liðsins sem skorar. Hann er hafsent og þá veistu að þú ert í tómu tjóni," sagði Gunnar.

Viðtalið er hér að ofan, en þar segir Gunnar að hann ætli að virða samning sinn við Grindavík sem er út næsta tímabil.

Tweet

Senda a Facebook Hafdu samband Senda frétt Prenta frétt Frétta leit