Þýskaland: Ísak byrjaði í tapi

Ísak Bergmann Jóhannesson var í byrjunarliði FC Köln sem heimsótti Eintracht Frankfurt í fyrsta leik helgarinnar í efstu deild þýska boltans.

Ísak lék fyrstu 68 mínúturnar og var skipt af velli eftir að hafa verið með gult spjalt á bakinu í 20 mínútur.

Staðan var enn markalaus þegar Ísaki var skipt af velli en þýski landsliðsmaðurinn Younes Ebnoutalib skoraði eina mark leiksins á 77. mínútu.

Köln var hættulegra liðið í fyrri hálfleik en átti mjög erfitt uppdráttar í síðari hálfleiknum og verðskulduðu heimamenn að lokum sigurinn.

Frankfurt er með 8 stig eftir 6 umferðir, einu stigi fyrir ofan Köln.