Oumar Diouck hefur klikkað á tveimur vítaspyrnum í röð
„Þó að víti gefi þér góða möguleika á að skora þá þýðir það ekki að það sé alltaf mark," sagði Gunnar Heiðar Þorvaldsson, þjálfari Njarðvíkur, eftir 1-1 jafntefli liðsins gegn ÍR í Lengjudeildinni í gær.
Liðið hefur fengið víti í öllum þremur leikjunum til þessa og klikkað á þeim öllum. Dominik Radic klikkaði á víti í fyrstu umferð og Oumar Diouck klikkaði í síðustu tveimur leikjum.
Liðið hefur fengið víti í öllum þremur leikjunum til þessa og klikkað á þeim öllum. Dominik Radic klikkaði á víti í fyrstu umferð og Oumar Diouck klikkaði í síðustu tveimur leikjum.
„Fyrir mitt leyti er þetta helvíti súrt. Persónulega vildi ég að Oumar myndi taka þessa vítaspyrnu. Hann tók síðustu og skaut í slánna og setti markmanninn í vitlaust horn, hann tekur vítaspyrnur núna," sagði Gunnar Heiðar.
„Það er augljóst að við þurfum að kannski að fara kíkja á að æfa þetta. Þó ég held að við séum með öruggar vítaskyttur í þessu liði þá er þetta kannski komið inn í hausinn á sumum."
Þrátt fyrir vítaklúðrin er Njarðvík á toppnum sem stendur með fimm stig.
Athugasemdir
