Sterkastur í 10. umferð - Tek hattinn ofan

Framarar eru á frábæru flugi í Bestu deildinni og Freyr Sigurðsson hefur verið framúrskarandi. Þessi tvítugi miðjumaður er sífellt að verða betri og er leikmaður 10. umferðar.

Hann var algjörlega magnaður í 4-3 útisigri Fram gegn KA á Akureyri og skoraði síðasta mark þeirra bláu.

„Sá var öflugur í dag. Lék við hvurn sinn fingur á miðjunni og var út um allan völl, Tapaði varla boltanum og skapaði hvert færið á fætur öðru," skrifaði Daníel Smári Magnússon, fréttamaður Fótbolta.net, í skýrslu um leikinn.