Sterkastur í 6. umferð - Vinsælastur í Víkinni

Óð á eldi í dag! Með tvö mörk og tvær stoðsendingar og hefði hæglega getað sett fleiri mörk! Ótrúlega hraður leikmaður og var fáránlega duglegur að finna pláss og komast í geggjaðar stöður," skrifaði Snæbjört Pálsdóttir, fréttakona Fótbolta.net, um Óskar Borgþórsson í skýrslu um 6-0 sigur Víkings á Þór.

Óskar fór illa með Akureyringa og er Sterkasti leikmaður umferðarinnar, í boði Steypustöðvarinnar.

Snæbjört tók viðtal við Óskar eftir leik og var það krefjandi verkefni enda var hann umkringdur ungum aðdáendum. Óskar skapaði sér miklar vinsældir í Árbænum þegar hann spilaði þar og er orðinn sá vinsælasti í Víkinni núna.

„Þetta var ekkert eðlilega gaman á svona kvöldum, þegar maður er einhver veginn bara locked in. Skora tvö og tvö assist, það er bara ekkert betra sko. Þetta er bara statement inn í deildina, sýna að við getum unnið alla, bara 6-0, getum haldið hreinu og skorað eins mikið og við viljum," sagði Óskar í viðtalinu.