Gunnhildur gladdist mjög að sjá Hörpu

Miðjumennirnir Dagný Brynjarsdóttir og Gunnhildur Yrsa Jónsdóttir foru til viðtals.

Fyrrum landsliðskonan Harpa Þorsteinsdóttir fór með fjölmiðlahópnum á hótelið, en hún er mætt út til Englands til þess að fjalla um lokaleikinn í riðlakeppninni fyrir RÚV.

Það var mjög skemmtilegt augnablik þegar Gunnhildur Yrsa lauk einu viðtalinu og sá að Harpa, fyrrum liðsfélagi sinn í landsliðinu, var mætt á svæðið.

Gunnhildur var mjög glöð að sjá sinn gamla liðsfélaga eins og sjá má á myndum sem Jónína Guðbjörg Guðbjartsdóttir, ljósmyndari, tók af þeim.

Gunnhildur og Harpa eru báðar fyrrum leikmenn Stjörnunnar. Þær voru saman í landsliðinu á EM 2017.