Fimm sem gætu verið næstar út í atvinnumennsku
Úr leik Vals og Stjörnunnar á dögunum.
Mynd: Fótbolti.net - Hafliði Breiðfjörð
Úr leik Vals og Stjörnunnar á dögunum.
Mynd: Fótbolti.net - Hafliði Breiðfjörð
Það hefur verið nokkuð mikið um það á síðustu árum að leikmenn séu að fara út og eigum við Íslendingar núna nokkra leikmenn í sterkustu deildum Evrópu.
Hvaða íslensku leikmenn eru næstar út þegar allt er tekið með inn í myndina?
Undirritaður ákvað að taka saman fimm leikmenn sem gætu skrefið út í atvinnumennsku. Næst á þessum lista var Ólöf Sigríður Kristinsdóttir, en hún er að stíga upp úr meiðslum. Það er leikmaður sem á klárlega bjarta framtíð fyrir höndum en hefur lítið ná að spila í sumar.
Jasmín Erla Ingadóttir - Hefur sprungið út í sumar og er með skemmtilega eiginleika fram á við. Búin að skora mikið og hefur verið mikilvæg í sóknarleik Stjörnunnar.
Mynd: Fótbolti.net - Hafliði Breiðfjörð
Karitas Tómasdóttir - Verið mjög sterk á miðsvæðinu hjá Breiðbliki og tekið góð skref fram á við eftir því sem liðið hefur á tímabilið. Er í baráttu um að komast í landsliðið og spurning hvort hún horfi til þess að fara út í enn sterkari deild.
Mynd: Fótbolti.net - Hafliði Breiðfjörð
Ásdís Karen Halldórsdóttir - Búin að taka jákvæð skref á sínum ferli og verið frábær í toppliði Vals í sumar. Mjög skapandi leikmaður sem getur búið til eitthvað úr engu.
Mynd: Fótbolti.net - Hafliði Breiðfjörð
Sandra María Jessen - Er búin að vera mikilvægasti leikmaður Þórs/KA í sumar. Var að spila í þýsku úrvalsdeildinni áður en hún eignaðist sitt fyrsta barn. Getur klárlega spilað á hærra stigi og horfir eflaust til þess að gera það með landsliðið í huga.
Mynd: Fótbolti.net - Hafliði Breiðfjörð
Arna Sif Ásgrímsdóttir - Hefur áður farið út og gert vel. Er Búin að vera stórkostleg í sumar. Það gæti hjálpað henni að komast í landsliðið ef hún fer aftur út.
Mynd: Fótbolti.net - Hafliði Breiðfjörð
