Byrjunarlið Vals og KA: Valur með tvo framherja en KA engan miðvörð

KA kemur inn í leikinn eftir 0-1 tap gegn FH á heimavelli fyrir átta dögum síðan.

Brazell, þjálfari Vals, gerir tvær breytingar frá leiknum gegn Nordsjælland. Framherjarnir Dagur Orri Garðarsson og Patrick Pedersen snúa aftur í liðið og þeir Jakob Franz Pálsson og Hörður Ingi Gunnarsson taka sér sæti á bekknum. Bjarni Mark Antonsson er ekki í leikmannahópi Vals í dag en Guðmundur Brynjar Wehmeier, sem fæddur er 2012, er á bekknum.

Hallgrímur Jónasson, þjálfari KA, gerir þrjár breytingar frá leiknum gegn FH. Hans Viktor Guðmundsson, fyrirliði KA, tekur út leikbann í dag og Birgir Baldvinsson ber því fyrirliðabandið í dag. Kári Gautason, Jeppe Pedersen og Mikael Breki Þórðarson koma inn. Valdimar Logi Sævarsson og Jakob Héðinn Róbertsson taka sér sæti á bekknum. Það vekur athygli að enginn náttúrulegur miðvörður er í liði KA í dag en líkur eru á því að þeir Guðjón Ernir og Birgir verði í hjarta varnarinnar og mögulega Andre Römer með þeim. Það kemur allt í ljós þegar flautað verður til leiks. Miðvörðurinn Markús Máni Pétursson er á bekknum ásamt Danijel Dejan Djuric sem byrjar þriðja leikinn í röð á bekknum.