Gordon fær lof í Katalóníu

Enski landsliðsmaðurinn Anthony Gordon fær mikið hrós fyrir frammistöðu sína í fyrsta leik sínum með Barcelona en liðið sigraði Basel 5-2 í æfingaleik. Gordon lék fyrri hálfleikinn og var sífellt ógnandi að að skapa fyrir liðsfélaga sína.

Spænska blaðið Sport segir að Gordon, sem lék vinstra megin í sóknarlínu Börsunga, hafi verið mjög áberandi í leiknum og verið besti maður leiksins.

AS segir að Gordon, sem var keyptur frá Newcastle, sé búinn að sannfæra stjórann Hansi Flick um að hann sé klár í að verða byrjunarliðsmaður eftir frammistöðu hans á æfingum í síðustu viku.

Stuðningsmenn Barcelona eru spenntir fyrir leikmanninum eftir frammistöðu hans í gær, segja hann koma með ferska vinda í liðið og koma með meiri ógn í sóknarleikinn.