Gæsaveiðimaðurinn forfallast - Helgi Mikael dæmir 100 milljóna leikinn

Selfoss og Haukar mætast í úrslitaleik Gatorade bikars Fótbolta.net, bikarkeppni neðri deilda, klukkan 19 á Laugardalsvelli á morgun, föstudagskvöld.

Það má búast við mjög góðri stemningu enda hafa stuðningsmenn beggja liða ástæðu til að fagna góðu sumri. Þetta eru tvö efstu lið 2. deildar, Haukar unnu deildina og Selfoss tók annað sætið og bæði leika því í Lengjudeildinni á næsta ári.

Upphaflega var tilkynnt að Sveinn Arnarsson myndi dæma leikinn. Sveinn komst í fréttirnar á dögunum eftir að hafa gripið gæsina á Dalvík.

Sveinn forfallast hinsvegar og er Arnar Ingi Ingvarsson kominn á leikinn í hans stað. Jovan Subic og Arnþór Helgi Gíslason verða aðstoðardómarar, Elías Ingi Árnason verður fjórði dómari, Halldór Breiðfjörð Jóhannsson verður eftirlitsmaður KSÍ og Valur Páll Eiríksson eftirlitsmaður Fótbolta.net.