lau 17. desember 2022 12:04
Brynjar Ingi Erluson
Njarðvík fær Óskar Atla frá FH (Staðfest)
Mynd: Heimasíða Njarðvíkur
Knattspyrnudeild Njarðvíkur staðfesti í dag komu Óskars Atla Magnússonar frá FH.

Óskar er tvítugur sóknarmaður sem er uppalinn í FH en hann á að baki 6 leiki í efstu deild með félaginu.

Hann sótti sér meiri reynslu í sumar og fór á lán til Kórdrengja í Lengjudeildinni og spilaði þar sextán leiki og skoraði eitt mark í deild- og bikar.

Framherjinn verður áfram í Lengjudeildinni en hann er nú genginn í raðir Njarðvíkur frá FH.

Samningur Óskars við FH rann út eftir tímabilið og var honum því frjálst að finna sér nýtt félag.

Njarðvík tryggði sér sæti í Lengjudeildina í sumar með því að vinna 2. deild.
Athugasemdir
banner
banner
banner