Hinn 19 ára gamli Arda Guler skoraði stórkostlegt mark þegar Tyrkland lagði Georgíu í F-riðli á EM í kvöld.
Guler gekk til liðs við Real Madrid frá Fenerbahce síðasta sumar og lék tíu leiki í La Liga og skoraði sex mörk.
Hann lauk tímabilinu á ótrúlegu flugi og skoraði fjögur mörk í síðustu þremur leikjum sínum. Hann greindi frá því eftir leikinn í kvöld að Carlo Ancelotti, stjóri Real Madrid, hafi sent honum kveðju fyrir leikinn í kvöld.
„Ancelotti sendi mér skilaboð fyrir leikinn og óskaði mér góðs gengis. Stuðningur Real Madrid hvetur mig áfram," sagði Guler.
Athugasemdir