Viðar á leið frá Pétri eftri uppákomuna í kvöld,
Athyglisvert atvik varð um miðjan síðari hálfleik í viðureign Fram og Selfoss í 1. deild karla í dag þegar Pétur Pétursson þjálfari Fram þurfti að vísa stjórnarmanni frá varamannabekknum.
Staðan var 0 - 2 fyrir Selfoss þegar Viðar Guðjónsson stjórnarmaður í Fram strunsaði að varamannabekknum, hallaði sér upp að Pétri og hvíslaði einhver orð í eyra hans.
Pétur brást reiður við, ýtti hressilega við honum og sagði: „Drullaðu þér í burtu."
Um leið og flautað var af í Úlfarsárdalnum kallaði Pétur svo í tvo fulltrúa félagsins og gaf þeim skýr skilaboð um Viðar og ljóst að honum var ekki runnin reiðin.
Fótbolti.net spurði Pétur út í atvikið eftir leik og hann vildi ekkert tjá sig: „„Spurðu stjórnarmanninn um það. Ég hef ekkert að tjá mig um það."
Myndir af atvikinu má sjá hér að neðan en leiknum lauk með 1 - 2 sigri Selfyssinga.
Athugasemdir
