Jú fyrirsögnin er hárrétt, Haukar léku heimaleik á Origo-velli Vals á Hlíðarenda gegn Njarðvík í 2. deild karla í gær þar sem félagið er að skipta um gervigras  á Ásvöllum í Hafnarfirði. Gunnar Oddur Hafliðason dómari er litblindur og samþykkti því ekki að Njarðvíkingar spiluðu í grænum búningum gegn rauðum búningum Hauka. Því þurfti að fá lánað varabúningasett frá Val sem Njarðvík lék í. Það virtist happafengur því þeir unnu leikinn 1 - 2. Hér að neðan er myndaveisla úr leiknum.