Leggja fram opinbert tilboð í Watkins

Watkins vill skipta um félag en hann er með tvö ár eftir af samningi við Aston Villa, þar sem hann er lykilmaður í sóknarleiknum.

Þrítugur Watkins skoraði 21 mark í 55 leikjum á síðustu leiktíð og reyndist gríðarlega mikilvægur er Villa tryggði sér óvænt Meistaradeildarsæti.

Al-Hilal hefur verið að reyna við Watkins í sumar og hafnaði Villa tveimur tilboðum frá stórveldinu, sem spilar undir stjórn Simone Inzaghi. Nú hefur Al-Hilal lagt fram opinbert tilboð í leikmanninn, sem Fabrizio Romano segir hljóða upp á 45 milljónir evra í heildina.

Hjá Al-Hilal myndi Watkins verða liðsfélagi leikmanna á borð við Crysencio Summerville, Rúben Neves og Theo Hernández. Hann á að taka sæti Darwin Núnez í leikmannahópnum.

Verði Watkins seldur er líklegt að Villa leiti sér að nýjum framherja, en Tammy Abraham og Brian Madjo eru einu framherjarnir sem yrðu eftir í hópnum. Talið er að Villa hafi áhuga á Nicolas Jackson hjá Chelsea.