Lengjudeild kvenna: Auðvelt fyrir KR og Hauka

Kara Guðmundsdóttir skoraði þrennu í stórsigri KR á útivelli gegn Keflavík.

Rakel Inga Ágústsdóttir náði forystunni fyrir heimakonur snemma leiks en Kara svaraði með þrennu, áður en Valgerður Gríma Sigurjónsdóttir og Rakel Grétarsdóttir innsigluðu 1-5 sigur í uppbótartíma.

KR er í öðru sæti eftir sigurinn, með 26 stig eftir 14 umferðir. Tveimur stigum fyrir ofan Hauka sem lentu ekki í vandræðum gegn botnliði Tindastóls.

Rakel Lilja Hjaltadóttir, Maggý Lárentsínusdóttir og Valgerður Ósk Valsdóttir skoruðu mörk Hauka í auðveldum sigri á útivelli.

Tindastóll fellur niður í 2. deild en Keflavík er fimm stigum frá fallsæti þegar fjórar umferðir eru eftir.

Keflavík 1 - 5 KR
1-0 Rakel Inga Ágústsdóttir ('4 )
1-1 Kara Guðmundsdóttir ('24 )
1-2 Kara Guðmundsdóttir ('28 )
1-3 Kara Guðmundsdóttir ('43 )
1-4 Valgerður Gríma Sigurjónsdóttir ('90 )
1-5 Rakel Grétarsdóttir ('90 )

Tindastóll 0 - 3 Haukar
0-1 Rakel Lilja Hjaltadóttir ('16 )
0-2 Maggý Lárentsínusdóttir ('29 )
0-3 Valgerður Ósk Valsdóttir ('59 )