Guðlaugur Victor lék í svekkjandi tapi - Benteke kominn á blað
Guðlaugur Victor Pálsson
Mynd: Getty Images
Guðlaugur Victor Pálsson
Mynd: Getty Images
Guðlaugur Victor Pálsson lék sinn tíunda leik fyrir DC United í MLS deildinni í Bandaríkjunum í kvöld þegar liðið tók á móti Inter Miami.
Staðan var 2-2 eftir u.þ.b. klukkutíma leik en Christian Benteke skoraði fyrsta mark leiksins fyrir DC United. Þessi fyrrum leikmaður Aston Villa, Liverpool og Crystal Palace gekk til liðs við DC United í sumar og var að skora sitt fyrsta mark fyrir félagið.
Það stefndi í jafntefli en markaskorarinn margreyndi, Gonzalo Higuain skoraði þegar fjórar mínútur voru komnar framyfir venjulegan leiktíma og tryggði Inter Miami stigin þrjú.
DC United er á botni Austurdeildar eftir 32 umferðir en Wayne Rooney hefur stýrt liðinu í 10 leikjum og unnið tvo, gert tvö jafntefli og tapað sex.
