England um helgina - Síðasta umferðin fyrir þriggja vikna landsleikjahlé

Í kvöld er Lundúnaslagur á dagskrá þegar Brentford tekur á móti Chelsea. Þeir bláu hafa gert ágætlega í sóknarleiknum en varnarleikurinn verið þeirra helsti veikleiki til þessa.

Spurningin er hvort Xabi Alonso takist að koma Chelsea aftur á sigurbraut og þétta vörnina gegn Brentford, sem er enn taplaust á tímabilinu.

Á morgun fara fram fimm leikir. Tottenham hefur átt brösuga byrjun undir Roberto De Zerbi en fær gott tækifæri til að koma sér í gang gegn Aston Villa. Villa er aðeins með eitt stig en Tottenham tvö og hefur liðið enn ekki skorað mark.

Englandsmeistarar Arsenal eru með fullt hús stiga eftir fjórar umferðir og geta unnið sinn fimmta leik í röð þegar liðið heimsækir Brighton.

Everton fær nýliða Ipswich í heimsókn, Newcastle mætir Hull og þá heimsækja nýliðarnir í Coventry Nottingham Forest. Coventry hefur ekki enn skorað mark á tímabilinu.

Á sunnudag lýkur umferðinni og verður hún sú síðasta fyrir landsleikjahlé. Andoni Iraola fer þá með Liverpool í heimsókn til Bournemouth þar sem hann mætir sínum gömlu lærisveinum.

Leeds tekur á móti Crystal Palace á Elland Road og Manchester City getur, líkt og Arsenal, haldið áfram fullu húsi stiga þegar liðið fær Sunderland í heimsókn.

Það er hins vegar farið að hitna undir Michael Carrick hjá Manchester United. Liðið hefur aðeins unnið einn deildarleik, gegn nýliðum Ipswich, auk sigurs á slöku liði Sabah í Meistaradeildinni. United féll síðan úr deildabikarnum eftir endurkomu Brighton í vikunni og hefur í deildinni tapað fyrir Manchester City og Hull auk þess að gera jafntefli við Everton.

Tap gegn Alvaro Arbeloa og Fulham á sunnudag gæti því sett Carrick í ansi óþægilega stöðu rétt fyrir landsleikjahlé, sem verður lengra en í fyrra. Á síðasta tímabili voru það aðeins um tvær vikur, en í ár er það þrjár vikur þar sem margar þjóðir spila fjóra leiki.

Leikir helgarinnar:

Föstudagur:
19:00 Brentford - Chelsea

Laugardagur:
11:30 Tottenham - Aston Villa
14:00 Brighton - Arsenal
14:00 Everton - Ipswich Town
14:00 Newcastle - Hull City
16:30 Nott. Forest - Coventry

Sunnudagur:
13:00 Bournemouth - Liverpool
13:00 Leeds - Crystal Palace
13:00 Man City - Sunderland
15:30 Fulham - Man Utd