Etherington var ráðinn til Colchester í sumar til að þjálfa unglingaliðið en var settur í þjálfarastólinn til bráðabirgða eftir að Ben Garner var rekinn í október.

Colchester hefur unnið þrjá leiki og gert eitt jafntefli eftir að Garner var rekinn, en Etherington hefur stýrt liðinu í þremur af þessum fjórum leikjum. Þess vegna ákvað stjórn félagsins að ráða hann sem knattspyrnustjóra.

Etherington er 42 ára gamall og lék meðal annars fyrir Tottenham og West Ham á ferli sínum sem atvinnumaður í fótbolta.

Hann hefur áður starfað sem bráðabirgðastjóri hjá Peterborough United, eftir að hafa þjálfað unglingalið félagsins, og svo stýrði hann Crawley Town í einn mánuð í fyrra áður en hann sagði upp starfinu eftir slæma byrjun.