Fjórir leikir fara fram í ensku úrvalsdeildinni þennan laugardaginn. Allir leikirnir eru í beinni útsendingu á Síminn Sport.

Everton fær WBA í heimsókn í hádegisleiknum og spurning hvort Gylfi Þór Sigurðsson verði í byrjunarliði Everton í leiknum. Gylfi lék mjög vel í deildabikarnum í miðri viku en var ekki í byrjunarliðinu gegn Spurs um síðustu helgi.

Leeds tekur á móti Fulham í nýliðaslag og þá hefur Manchester United þátttöku sína þetta keppnistímabilið, liðið lék ekki í fyrstu umferð deildarinnar.

Lokaleikur dagsins er svo viðureign Arsenal og West Ham, Lundúnarslagur, sem hefst klukkan 19:00.