Gylfi Sig: Ég var aldrei að fara að missa af þessum leik

Gylfi Sigurðsson var að vonum ánægður eftir að Víkingur tryggði sér Íslandsmeistaratitilinn.

„Geggjuð tilfinning. Við erum búnir að vera að vinna að þessu allt tímabilið, allan veturinn og allt árið, þannig að þetta er bara geggjað.“

Gylfi sagði leikinn hafa verið lokaðan enda mikið undir.

„Það var ekki mikið að gerast í fyrri hálfleik, ekki mikið af færum eða stöðum þar sem boltinn var kominn inn í boxið. Þetta er auðvitað leikur um bikar, þannig að þetta var ekki fínasti leikurinn að horfa á.“

Víkingar lentu undir en náðu að svara og snúa leiknum sér í vil.

„Það var góður tími til að skora. Mér fannst vera smá brot á Karli þegar hann var að hlaupa til baka, en við komum til baka, gáfumst ekkert upp og sigldum þessu heim.“

Gylfi hafði verið tæpur fyrir leikinn og ekki tekið þátt í síðasta leik Víkings. Spurður um það sagði hann:

„Ég var aldrei að fara að missa af þessum leik.“

Hann hrósaði stuðningsmönnum Víkings sérstaklega.

„Það er geggjað. Það er alltaf gaman að spila fyrir framan þá og extra gaman núna. Við fáum geðveikan stuðning hvert sem við förum. Þeir hafa verið frábærir allt tímabilið og líka allt tímabilið í fyrra. Þeir elta okkur út um allt og láta heyra í sér.“

Að lokum var Gylfi spurður út í komandi verkefni með íslenska landsliðinu.

„Það er bara æðislegt. Ég er mjög spenntur fyrir verkefninu. Fjórir leikir á stuttum tíma og mikið um ferðalög, þannig að ég er mjög spenntur.“

Viðtalið í heild sinni má finna í spilaranum hér fyrir ofan