KSÍ kom með bikarinn fyrir FH stelpurnar tveimur dögum seinna

Með Íslandsmeistarabikarinn.

Mynd: Fótbolti.net - Hafliði Breiðfjörð

Eysteinn Pétur Lárusson, framkvæmdastjóri KSÍ, og Þorsteinn Halldórsson, landsliðsþjálfari kvenna, afhentu Íslandsmeisturunum verðlaunin.

Mynd: Fótbolti.net - Hafliði Breiðfjörð

KSÍ kom með bikarinn fyrir FH stelpurnar tveimur dögum seinna

Mynd: Fótbolti.net - Hafliði Breiðfjörð

Með Íslandsmeistarabikarinn.

Mynd: Fótbolti.net - Hafliði Breiðfjörð

Í kvöld verðlaunaði KSÍ 2. flokk kvenna hjá FH fyrir Íslandsmeistaratitilinn sem liðið tryggði sér á miðvikudagskvöld.

KSÍ gleymdi sér og það var enginn frá sambandinu viðstaddur þegar FH tryggði sér titilinn með sigri á Breiðabliki og fékk sambandið skammir í hattinn.

Veðlaunaafhending var í hálfleik á leik FH og Stjörnunnar í Bestu deildinni.

TENGT EFNI17.09.26 - 15:53

FH Íslandsmeistari í 2. flokki en enginn mætti með bikar - Framkvæmdastjóri KSÍ biðst afsökunar

Guðni Eiríksson, þjálfari FH, tjáði sig um uppákomuna í viðtali við Fótbolta.net eftir leikinn.

„Engin áhrif inn í hópinn en náttúrulega ömurleg mistök af hálfu KSÍ. Þeir sem þar stjórna og ráða ríkjum eru búnir að biðjast afsökunar."

„Þetta er ótrúlega leiðinlegt og dæmigert að þetta gerist kvennamegin. Það er kannski það sem fer í marga. Við erum að sjá núna umfjöllun í fréttum í fleiri íþróttagreinum þar sem það er klúður og mistök og það er á kostnað kvenna. Það er bara sorglegt að það sé svoleiðis."

„Það hefði verið betra fyrir KSÍ að gera þessi mistök karlamegin. Það hefði verið einfaldara að takast á við það. Ég held að konur, kynsystur þínar, séu orðnar ansi þreyttar á ástandinu 2026," sagði Guðni við Snæbjörtu Pálsdóttur eftir sigur FH í kvöld.

Hafliði Breiðfjörð tók meðfylgjandi myndir.

Þess má geta að Eva Marín Sæþórsdóttir, markahæsti leimaður U20 deildarinnar, kom inn á sem varamaður hjá FH í kvöld eftir að hafa fagnað Íslandsmeistaratitlinum í hálfleik. Það var Hrönn Haraldsdóttir sem tók við bikarnum og hún kom sömuleiðis inn á hjá FH í leiknum.

Eysteinn Pétur Lárusson, framkvæmdastjóri KSÍ, og Þorsteinn Halldórsson, landsliðsþjálfari kvenna, afhentu Íslandsmeisturunum verðlaunin.

Mynd: Fótbolti.net - Hafliði Breiðfjörð