Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
banner
   mán 19. október 2020 11:58
Elvar Geir Magnússon
Þórólfur var spurður út í það af hverju keppnisíþróttir séu bannaðar á Íslandi
Mynd: Almannavarnir
Á upplýsingafundi dagsins fékk Þórólfur Guðnason sóttvarnalæknir spurningu um það af hverju keppnisíþróttir væru bannaðar á Íslandi en leyfðar víðast annars staðar.

Íslandsmótið í fótbolta er í stöðvun í þriðja sinn á árinu vegna heimsfaraldursins en leikinn er fótbolti í nágrannalöndunum.

Sjá einnig:
KSÍ tilkynnir um framhald Íslandsmótsins í dag eða á morgun

„Grunnurinn er sá að við erum að reyna að koma í veg fyrir hópamyndun og eins mikla snertingu og hægt er. Ég er ekki viss um að við séum eina landið í heiminum sem bannar það, væri fróðlegt að sjá það uppgjör," svaraði Þórólfur.

Víðir Reynisson bætti því við að víða eru íþróttir leyfðar þar sem atvinnumenn eru í 'búbblum'.

„Ég get bætt við þetta. Það er í nokkuð mörgum löndum sem íþróttastarf er bannað en atvinnumannadeildir og atvinnumannaíþróttir leyfðar," sagði Víðir á upplýsingafundi dagsins.
Athugasemdir
banner
banner
banner
banner