Lestu um leikinn: Katar 2 -  2 Ísland

Aðspurður út í ljósa punkta í leik íslenska liðsins sagði Hamren: „Albert var virkilega góður í fyrri hálfleik en hann hvarf meira í seinni hálfleik."

„Við komum í veg fyrir að þeir myndu fá mjög góð færi. Freyr (Alexandersson) sagði mér að síðast þegar Ísland mætti þeim þá áttu þeir sextán skot eða eitthvað slíkt en þeir áttu ekki svo mörg færi í dag. Ég hefði viljað skapa fleiri færi en við fengum. Þegar við komumst í 2-1 þá hélt ég að við myndum vinna en það gekk ekki."

Ísland hefur ekki náð sigri síðan Hamren tók við í sumar.

„Við höfum bætt okkur mikið frá því í fyrsta leiknum okkar saman og það er gott. Við sáum í gær að það er ekki auðvelt að mæta Sviss á útivelli. Við erum ekki einir um að lenda í vandræðum þar,"

Kolbeinn Sigþórsson spilaði fyrsta klukkutímann og skoraði sitt fyrsta mark síðan árið 2016.

„Hann hefur lagt virkilega hart að sér. 60 mínútur er aþð mesta sem hann hefur spilað í langan tíma og það er líka langt síðan hann skoraði. Ég sá að hann var ánægður og ég var líka ánægður. Við vildum að hann myndi spila í mesta lagi 60 mínútur."

Undankeppni EM 2020 hefst í mars en dregið verður í riðla þann 2. desember næstkomandi. „Við sjáum hvað gerist. Við tökum á liðunum sem við mætum og ég hlakka til að sjá þetta. Þá getum við byrjað að plana þetta og undirbúa okkur fyrir næsta tímabil," sagði Hamren.

Hér að ofan má sjá viðtalið í heild sinni.