Æfingaleikur: Víkingur Ó. vann Fjölni

Íslensk lið eru nú á fullu að undirbúa sig fyrir Íslandsmótið sem hefst loksins í næsta mánuði.

Lengjubikarinn hefur verið í fullu fjöri undanfarnar vikur en lið eru einnig að halda sér heitum með æfingaleikjum.

Einn æfingaleikur fór fram í gær þegar Víkingur Ólafsvík og Fjölnir áttust við.

Þessum leik lauk með 1-0 sigri Víkinga en það var Bessi Jóhannsson sem gerði eina markið seint í seinni hálfleik.

Fjölnir féll úr Pepsi-Max deildinni síðasta sumar og mun leika með Víkingum í Lengjudeildinni í ár.