„Ég sökk djúpt í þunglyndinu," segir Hendrie sem lék einn landsleik fyrir England 1998.

„Ég varð á endanum gjaldþrota og húsið mitt var tekið af mér. Svo var húsið tekið af móður minni og það eyðilagði mig. Það gerði það að verkum að einn daginn ákvað ég að taka eigið líf. Ég vaknaði á öndunarvél, líkami minn slökkti á sér."

„Hver einasti dagur var erfiður og ég reyndi aftur að taka eigið líf. Ég á fimm börn og ég ætlaði að flýja þetta allt. Mér fannst ég hafa brugðist öllum. Ég tek enn þunglyndislyf í dag."

Hendrie segist í fimm eða sex skipti hafa reynt að svipta sig lífi og segir að Emma, eiginkona sín, hafi þurft að ganga í gegnum ýmislegt.

Hann hefur að undanförnu tekið að sér verkefni sem sérfræðingur hjá Sky Sports og segist þakklátur fyrir það tækifæri.

„Hlutirnir geta verið stórkostlegir einn daginn eða eina vikuna en svo snýst allt við. Ég get verið í rúminu í þrjá daga og vill ekki fara fram úr. Ég er sjálfur minn versti óvinur. Ég er ákveðinn í að standa mig í starfinu hjá Sky Sports en er alltaf með þann ótta að allt fari á versta veg aftur," segir Hendrie.

Hendrie var miðjumaður og lék með Aston Villa 1994-2007.