2. deild: Dalvík/Reynir á miklu skriði - Haukar aftur á sigurbraut

Dalvíkingar byrjuðu Íslandsmótið á sigri en fóru svo í gegnum fjóra leiki án þessa að sigra.

Þeir eru að finna taktinn á ný, en liðið pakkaði KFG saman, 6-0, í Garðabænum í dag.

Staðan var orðin 2-0 eftir aðeins sex mínútur. Freyr Jónsson skoraði þegar leikurinn var aðeins einnar mínútu gamall áður en Atli Þór Sindrason tvöfaldaði nokkrum mínútum síðar.

Áki Sölvason og Sævar Þór Fylkisson bættu við tveimur á fimm mínútum áður en Atli gerði annað mark sitt undir lok fyrri hálfleiks.

Hektor Bergmann Garðarsonn rak síðan síðasta naglann í kistu KFG tæpum stundarfjórðungi fyrir leikslok.

Dalvík/Reynir í miklu stuði og nú með 16 stig í 3. sæti deildarinnar en KFG í 7. sæti með 12 stig.

Haukar eru komnir aftur á sigurbraut eftir að hafa tapað stigum í síðustu tveimur leikjum. Þeir unnu 1-0 sigur á Víkingi Ólafsvík, en það var Daði Snær Ingason sem gerði sigurmarkið á 38. mínútu leiksins.

Haukar eru á toppnum með 19 stig en Ólafsvíkingar í 9. sæti með aðeins 11 stig.

Úrslit og markaskorarar:

Haukar 1 - 0 Víkingur Ó.
1-0 Daði Snær Ingason ('38 )

KFG 0 - 6 Dalvík/Reynir
0-1 Freyr Jónsson ('1 )
0-2 Atli Þór Sindrason ('6 )
0-3 Áki Sölvason ('34, víti )
0-4 Sævar Þór Fylkisson ('39 )
0-5 Atli Þór Sindrason ('42 )
0-6 Hektor Bergmann Garðarsson ('77, víti )