Emery: Býst við að sjá Tottenham í topp fjórum

Villa komst í þriggja marka forystu áður en Tottenham minnkaði muninn niður í eitt mark á lokakaflanum. Fyrir leik sagðist Emery búast við því að sjá Tottenham enda í einu af fjórum efstu sætu ensku úrvalsdeildarinnar næsta vor.

„Ég býst við að sjá Tottenham í topp fjórum þegar tímabilinu lýkur. De Zerbi er stórkostlegur þjálfari og hann þarf tíma. Hann er með stórkostlegan leikmannahóp," sagði Emery fyrir leik.

Tottenham hafði ekki skorað eitt einasta mark í úrvalsdeildinni fyrir heimaleikinn gegn Villa og eru lærlingar De Zerbi eru með tvö stig eftir tvö markalaus jafntefli. Þeir sýndu frábærar rispur í leiknum gegn Villa og sérstaklega í fyrri hálfleik, en Zion Suzuki nýr markvörður Villa varði meistaralega.

Emery hrósaði Suzuki og Nicolas Jackson að leikslokum. Jackson átti frábæran leik þar sem hann virtist óþreytandi í fremstu víglínu. Hann hljóp út um allt og verðskuldaði að skora annað mark leiksins. Suzuki og Jackson komu báðir til Villa í sumarglugganum.

„Nýju mennirnir eru klárir í slaginn, það er augljóst. Þetta eru leikmenn sem gefa ekkert eftir og eru mættir til að fylla í mjög mikilvæg skörð fyrir okkur. Við sýndum góða frammistöðu í dag, Zion var aftur frábær í markinu og Jackson er að taka augljósum framförum."

Næsti leikur Aston Villa er á heimavelli gegn Brentford 10. október.