Eyjamenn ekki unnið síðan Valur kom síðast í heimsókn

„Við þurfum að fara safna stigum, getum ekki bara horft á KA og Þór. Ennþá fjórir leikir eftir, tólf stig og ég held að þetta verður slagur til síðustu umferðar," sagði Aleksandar Linta, þjálfari ÍBV, eftir tap gegn Stjörnunni á dögunum.

Eyjamenn taka á móti Val í dag klukkan 16 á Hásteinsvelli. Þeir eru í neðsta sæti, fimm stigum frá öruggu sæti, og þurfa nauðsynlega á öllum stigunum þremur að halda í leik dagsins.

ÍBV hefur mætt Stjörnunni í Garðabæ í síðustu tveimur leikjum, gerði fyrst 2-2 jafntefli í Miðgarði og tapaði svo 2-0 á Samsungvellinum.

ÍBV er án sigurs í síðustu níu leikjum, liðið vann síðast þann 4. júlí en það var einmitt heimaleikurinn gegn Val sem fram fór á Goslokahátíð. Alex Freyr Hilmarsson skoraði þá eina mark leiksins. Það eru því 78 dagar liðnir síðan ÍBV vann síðast leik.