Kompany með veirusýkingu

Leikurinn fer fram á Allianz-leikvanginum annað kvöld, en Kompany hefur verið að glíma við veirusýkingu í mjöðm sem varð til þess að hann missti af æfingu liðsins í dag. Hann var heldur ekki viðstaddur fréttamannafundinn fyrir leikinn.

Aaron Danks, aðstoðarmaður Kompany, mætti á fundinn í hans stað og greindi frá stöðu belgíska þjálfarans.

„Vincent er með veirusýkingu og það er mikilvægt að hann fái næga hvíld. Við fylgjumst grannt með stöðunni og sjáum hvernig honum líður á morgun. Við erum í stöðugu sambandi við hann og hann heldur áfram að koma með sínar ábendingar. Hvort hann verði tilbúinn fyrir leikinn á morgun á eftir að koma í ljós,“ sagði Danks.

Hann segir veikindin þó ekki hafa áhrif á undirbúning Bayern fyrir leikinn gegn Arsenal.

„Það breytist ekki mikið hjá mér. Við erum með sterkt þjálfarateymi og skýrt verklag sem við fylgjum. Það mikilvægasta er að halda orkunni í hópnum uppi og sjá til þess að leikmennirnir verði tilbúnir fyrir leikinn á morgun,“ sagði Danks enn fremur.