„Þetta er einmitt það sem við viljum sjá frá Wirtz“

Wirtz hefur mátt þola mikla gagnrýni fyrir frammistöðu sína síðan hann kom til Liverpool frá Bayer Leverkusen á síðasta ári.

Þjóðverjinn hafði aðeins komið að einu marki á tímabilinu fram að síðasta Meistaradeildarleik gegn LASK Linz, en síðan þá hefur hann lagt upp tvö mörk og skorað eitt sjálfur.

Fyrsta mark hans fyrir félagið kom í kvöld, en hann kom inn á í hálfleik og skoraði fjórða mark Liverpool sem reyndist gríðarlega mikilvægt gegn sterku liði Villarreal.

„Ef við horfum á tölfræðina þá hefur Florian Wirtz vissulega tekið framförum hjá félaginu. Hann er einn af þeim leikmönnum sem leggja hvað mest á sig og nú er sú vinna loksins farin að skila sér í mörkum og stoðsendingum.“

„Það eru mörkin og stoðsendingarnar sem fólk dæmir hann út frá. Þegar þú ert keyptur fyrir svona mikinn pening og spilar í tíunni þá er það nákvæmlega það sem fólk vill sjá. En hann leggur líka gríðarlega mikið á sig fyrir liðið.“

„Það er einmitt það sem við viljum sjá frá honum. Hann er bestur á svæðinu vinstra megin, á milli miðju og kantar, þar sem hann nýtist liðinu hvað best. Hann hefur verið virkilega góður í síðustu leikjum,“ sagði Sturridge um Wirtz á Amazon Prime.

Wirtz fékk 8 í einkunn hjá Liverpool Echo og virðist Andoni Iraola, stjóri Liverpool, vera farinn að ná því besta fram í Þjóðverjanum og finna betur út úr því hvaða hlutverk hentar honum best.