Logi í leik með Víking
Logi Tómasson tryggði Víkingum mikilvægt stig í leik kvöldsins gegn Val í kvöld. Logi sem kom inná sem varamaður eftir um klukkustundar leik í stöðunni 0-2 átti góða innkomu og kórónaði leik sinn með jöfnunarmarkinu skömmu fyrir leikslok.
Lestu um leikinn: Víkingur R. 2 - 2 Valur
„Bara svekkjandi. Mér fannst við vera betri í þessum leik en gott að hafa skorað aftur gegn Val hér heima núna,“
Sagði Logi Tómasson um sín fyrstu viðbrögð eftir leik.
Logi hefur skorað í báðum leikjum liðanna í sumar og virðist kunna ágætlega við sig gegn Hlíðarendapiltum. Væri hann ekki bara til í að spila gegn Val í hverri viku?
„Já já mér finnst gaman að spila á móti bestu liðunum og sýna að maður eigi heima í liðinu.“
Logi er eins og margir vita fjölhæfur drengur og hefur verið að gera tónlist um nokkurt skeið. Er nýtt lag á leiðinni?
„Heyrðu það er nýtt lag á leiðinni næsta föstudag“
Sagði kátur Logi Tómasson en allt viðtalið má sjá hér að ofan.
Athugasemdir
