21.08.26 - 17:00
Brynjar Ingi Erluson
Nýr miðvörður Burnley kynntur með stiklu úr þekktri bíómynd
Mynd: Burnley
Mynd: Burnley
Bosníski varnarmaðurinn Anel Ahmedhodzic er kominn til Burnley frá hollenska félaginu Feyenoord.
Ahmedhodzic er 27 ára gamall miðvörður sem er fæddur og uppalinn í Svíþjóð. Hann lék einn A-landsleik fyrir Svía áður en hann ákvað að spila fyrir Bosníu.
Hann fór ungur frá Malmö til Nottingham Forest en sneri aftur til sænska félagsins árið 2019. Þar lék hann í þrjú ár áður en Sheffield United keypti hann.
Ahmedhodzic hjálpaði Sheffield United að vinna sér sæti í ensku úrvalsdeildinni en yfirgaf félagið á síðasta ári og gekk til liðs við Feyenoord.
Nú er hann kominn til Englands í þriðja sinn og hefur samið við Burnley. Félagið greiðir sex milljónir punda fyrir hann og skrifaði miðvörðurinn undir fjögurra ára samning.
Sheffield United vildi fá hann aftur í sumar og Southampton sýndi honum einnig áhuga. Ahmedhodzic valdi hins vegar Burnley sem féll úr ensku úrvalsdeildinni í vor.
Burnley er þekkt fyrir skemmtileg kynningarmyndbönd og að þessu sinni notaði félagið atriði úr The Addams Family. Afraksturinn má sjá hér fyrir neðan.
Hann fór ungur frá Malmö til Nottingham Forest en sneri aftur til sænska félagsins árið 2019. Þar lék hann í þrjú ár áður en Sheffield United keypti hann.
Ahmedhodzic hjálpaði Sheffield United að vinna sér sæti í ensku úrvalsdeildinni en yfirgaf félagið á síðasta ári og gekk til liðs við Feyenoord.
Nú er hann kominn til Englands í þriðja sinn og hefur samið við Burnley. Félagið greiðir sex milljónir punda fyrir hann og skrifaði miðvörðurinn undir fjögurra ára samning.
Sheffield United vildi fá hann aftur í sumar og Southampton sýndi honum einnig áhuga. Ahmedhodzic valdi hins vegar Burnley sem féll úr ensku úrvalsdeildinni í vor.
Burnley er þekkt fyrir skemmtileg kynningarmyndbönd og að þessu sinni notaði félagið atriði úr The Addams Family. Afraksturinn má sjá hér fyrir neðan.
He’s at the door! ???? pic.twitter.com/eXWkYxrS0p
— Burnley FC (@BurnleyOfficial) August 20, 2026
