fim 21. október 2021 22:30
Ívan Guðjón Baldursson
Vilja að Benzema fái tíu mánaða skilorðsbundinn dóm
Mynd: EPA
Verið er að rétta yfir Karim Benzema og öðrum mönnum sem eru sakaðir um að hafa reynt að fjárkúga Mathieu Valbuena, miðjumann Olympiakos og fyrrum samherja Benzema í franska landsliðinu.

Málið vakti mikla athygli á sínum tíma og var Benzema meinað að spila fyrir franska landsliðið.

Núna eru réttarhöld í gangi og mættu allir sakborningar nema Benzema í dómssal.

Í dag kom í ljós að ákæruvaldið fer fram á 10 mánaða skilorðsbundinn fangelsisdóm fyrir Benzema, auk 75 þúsund evru sektar.

Benzema hefur alltaf haldið fram sakleysi sínu í málinu, hann hafi einfaldlega verið að reyna að hjálpa liðsfélaga sínum.
Athugasemdir
banner
banner
banner
banner
banner