Jonathan Barnett, umboðsmaður Gareth Bale, hefur enn á ný blásið á sögusagnir þess efnis að hann sé á förum frá félaginu.
Bale var nálægt því að fara til Jiangsu Suning í Kína síðastliðið sumar en í þessari viku var hann orðaður við endurkomu til Tottenham á láni.
„Hann á tvö og hálft ár eftir af samningi sínum og hann er í góðu lagi. Hann verður áfram þarna og allt í góðu. Ég hef alltaf sagt það," sagði Barnett.
„Hlutirnir gætu breyst en að segja að hann fari á lán er fáránlegt. Það geta ekki mörg félög haft efni á honum. Hann er ánægður og vonandi vinnur hann fleiri titla með þeim."
Athugasemdir
