Cristiano Ronaldo segist vera betri maður í dag eftir að hafa skilið við Manchester United á stormasaman hátt í janúar.
Ronaldo var rekinn frá United eftir að hafa farið í frægt viðtal við Piers Morgan þar sem hann hraunaði yfir félagið.
Hann skrifaði undir samning við Al Nassr í Sádí Arabíu en hann viðurkennir að hafa átt erfiða tíma hjá United undir restina.
„Ég á ekkert erfitt með að segja það að þetta var slæmur kafli á mínum ferli en það er enginn tími til að sjá eftir því. Lífið heldur áfram, þetta var hluti af mínum vexti. Þegar við erum á toppnum sjáum við oft ekki hvað er fyrir neðan okkur," sagði Ronaldo.
„Ég er tilbúnari í dag og læri það að þetta var mikilvægt því ég hafði aldrei lent í þessu. Ég er betri maður í dag."
Athugasemdir
