Spaðalegi völlur Lúxemborgar sem Ísland getur horft til - Arnar orðinn þreyttur á stöðunni

Leikvangurinn var vígður árið 2021 og var hann fjögur ár í byggingu. Hybrid gras er á vellinum og var yfir litlu að kvarta þegar undirritaður heimsótti völlinn í gærdag.

Byggingarkostnaður vallarins nam um 77 milljónum evra, eða um 11 milljörðum íslenskra króna. Til samanburðar er kostnaður við nýja Þjóðarhöll í Laugardal tæpir 17 milljarðar króna.

Arnar Gunnlaugsson landsliðsþjálfari var spurður út í völlinn glæsilega á blaðamannafundi landsliðsins í gærdag.

„Þetta er glæsilegt mannvirki, tekur um tíu þúsund manns í sæti. Það er orðið vel þreytt að koma til margra landa, bæði með landsliðinu og Víkingi, og alveg sama hvaða lönd það eru að þá er þau öll með frábæra velli. Við einhvern veginn sitjum eftir í súpunni. Þetta er bagalegt ástand,“ sagði Arnar í gær.

TENGT EFNI17.12.25 - 13:00

Fer yfir næstu skref á Laugardalsvelli - „Setjum mikla pressu á þetta“