Breiðblik tapaði sínum fyrsta leik í Bestu deild kvenna á fimmtudaginn þegar þær mættu í Víkina og lágu 2-1 gegn bikarmeisturunum í Víkingi Reykjavík.
Lestu um leikinn: Víkingur R. 2 - 1 Breiðablik
Einar Guðnason, fyrrum aðstoðarþjálfari karlaliðs Víkings, og Víkingur mikill fór fögrum orðum um annað mark Víkinga í leiknum sem reyndist vera sigurmarkið.
Selma Dögg skoraði markið en hún sýndi frábæra takta í markinu sem heillaði Einar Guðna mjög.
„Ég held að venjulegt fólk átti sig ekki á því hversu góð Selma Dögg er. Ég mæli með að fólk horfi nokkrum sinnum á markið sem hún skoraði í kvöld.“ skrifaði Einar Guðna í X-færslu skömmu eftir leikinn á fimmtudaginn.
Kjartan Leifur valdi Selmu Dögg mann leiksins gegn Breiðablik.
„Skorar markið sem reyndist sigurmarkið og átti glæsilega sendingu á Sigdísi í því fyrra. Þess utan var hún baráttuglöð og leiddi með fordæmi sem fyrirliði liðsins.“
Markið og X-færslu Einars má sjá hér að neðan.
Ég held að venjulegt fólk átti sig ekki á því hversu góð Selma Dögg er. Ég mæli með að fólk horfi nokkrum sinnum á markið sem hún skoraði í kvöld
— Einar Guðnason (@EinarGudna) June 20, 2024
Selma Sögg skoraði frábært mark til þess að koma Víking í tveggja marka forystu gegn Breiðablik???? #bestadeildin pic.twitter.com/e9rFtMAJLT
— Besta deildin (@bestadeildin) June 21, 2024