Spánn: Fór aðeins um Börsunga undir lokin - Raphinha og Yamal áfram í stuði

Börsungar voru öflugir í fyrri hálfleik og hinn 18 ára gamli Xavi Espart skoraði sitt fyrsta mark fyrir aðalliðið strax á 5. mínútu.

Hann fékk boltann frá Raphinha og lét vaða við vítateigslínuna. Boltinn söng í netinu og frábær stund fyrir þennan efnilega leikmann.

Undrabarnið Lamine Yamal var næstur í röðinni og aftur var Raphinha arkitektinn. Hann komst í gegn vinstra megin, lék á markvörðinn og lagði boltann til hliðar á Yamal sem þurfti bara að hitta á markið til að skora og gerði það.

Yamal bætti við öðru marki úr vítaspyrnu í upphafi síðari hálfleiks. Það var hans fjórða deildarmark á tímabilinu og allt virtist stefna í öruggan sigur Börsunga.

Levante beit hins vegar frá sér á lokakaflanum. Ivan Romero minnkaði muninn á 79. mínútu og Roger Brugue bætti öðru marki við fyrir heimamenn þegar skammt var til leiksloka.

Það fór því aðeins um Barcelona en varamaðurinn Karim Adeyemi gekk endanlega frá leiknum með marki undir lokin.

Barcelona er á toppnum með 15 stig og þriggja stiga forystu á erkifjendur sína í Real Madrid. Levante er með fimm stig í 13. sæti.

Celta 1 - 1 Malaga
1-0 Ferran Jutgla ('41 )
1-1 Adrian Nino ('83 )

Levante 2 - 4 Barcelona
0-1 Xavi Espart ('5 )
0-2 Lamine Yamal ('19 )
0-3 Lamine Yamal ('48 , víti)
1-3 Ivan Romero ('79 )
2-3 Brugue ('88 )
2-4 Karim Adeyemi ('90 )