Fótbolti.net spjallaði við Josh Pask leikmann TNS eftir leikinn.
„Því miður töpuðum við 2-0, maður vill ekki tapa leikjum en það er bara hálfleikur í einvíginu. Síðari hálfleikur er heima svo þetta er ekki búið, við förum þangað og reynum okkar besta til að skora þrjú mörk og komast áfram."
Hann hrósaði Víkingsliðinu en var ekki eins ánægður með dómarann en hann taldi að Víkingur hafi ekki átt skilið að fá seinna vítið.
„Þeir eru með gott lið, spiluðu vel, því miður fengum við þessi tvö mörk á okkur, sérstaklega seinna markið, ég þarf ekki að segja mikið um það. Þannig er það bara, svona er fótboltinn, ákvaranirnar eru ekki alltaf þér í hag,"
„Ég náði boltanum en svona er fótboltinn, mistökin gerast en dómarinn hefði mátt taka rétta ákvörðun."
Síðari leikur liðanna fer fram á þriðjudaginn í Wales.
