Glasner: Fáum tvo leikmenn til viðbótar

Forest er búið að krækja í Ousmane Diomande, Xaver Schlager, Gustavo Sá og Steven Benda í sumarglugganum á meðan Elliot Anderson, Taiwo Awoniyi og Stefan Ortega eru farnir.

Forest mætir Leeds United í fyrstu umferð nýs deildartímabils í ensku úrvalsdeildinni í dag.

„Ég er sannfærður um að við fáum tvo leikmenn inn til viðbótar. Við vitum hvaða prófíla okkur vantar og núna snýst þetta bara um að ná samkomulagi um kaupverð og samningsmál. Auðvitað getur það gerst að við náum ekki að semja um einhvern leikmann, en þá erum við með aðra kosti tilbúna sem geta leyst svipuð hlutverk," segir Glasner.

„Við erum með kost eitt, tvö og þrjú fyrir hvort hlutverk. Við byrjum á kosti eitt og færum okkur niður listann ef viðræðurnar ganga ekki upp. Við erum tilbúnir að kaupa tvo nýja menn og ég er viss um að við munum krækja í frábæra leikmenn fyrir gluggalok. Við ætlum að sækja gæðaleikmenn sem eru með reynslu úr Meistaradeildinni og eiga marga landsleiki að baki fyrir þjóðir sínar. Ég hef fulla trú á að við fáum þessa leikmenn fyrir mánaðamót."

Talið er að Forest sé í leit að miðjumanni til að fylla í skarðið sem Elliot Anderson skilur eftir og framherja til að veita aukna samkeppni um byrjunarliðssæti. Komi framherji inn þykir líklegt að Arnaud Kalimuendo eða Igor Jesus þurfi að fara.