Lengjubikar kvenna: Valur skoraði átta gegn ÍBV

Það fór fram einn leikur í Lengjubikar kvenna í dag en leikið var í A-deild í riðli númer eitt.

Valur og ÍBV áttust við á Hlíðarenda og óhætt er að segja að Valsstúlkur lentu ekki í neinum vandræðum með ÍBV í kvöld.

Lokatölur urðu 8-0 sigur Vals þar sem Anna Rakel Pétursdóttir og Elín Metta Jensen gerðu báðar tvennu.

Staðan var 5-0 í hálfleik og eftir 55. mínútna leik var hún orðin 7-0. Mary Alice Vignola skoraði lokamark leiksins í uppbótartíma.

Valur mætir Keflavík í næsta leik en ÍBV spilar á móti Þrótti R.