Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
banner
   þri 23. febrúar 2021 23:45
Atli Arason
Sigur Leeds í kvöld tileinkaður ömmu Kalvin Philips
Mynd: Getty Images
Leeds vann Southampton á Elland Road með þremur mörkum gegn engu. Heimamenn tileinkuðu ömmu Kalvin Philips, Val Crosby, sigurinn í kvöld en Val lést fyrr í vikunni.

Val Crosby, sem var betur þekkt sem Granny Val, var mjög vinsæl og gríðarlega vel metin innan Leeds United eins og þeir sem sáu þættina um félagið, Take Us Home, ættu að þekkja vel.

Kalvin Philips var ekki með í kvöld eins og í síðasta leik liðsins gegn Wolves vegna vöðvameiðsla í kálfa. Eftir sigurinn á Southampton létu Leikmenn Leeds mynda sig saman með bol merktan Granny Val til votta Philips og fjölskyldu hans samúð sína. Myndina sem og hjartnæma kveðju Philips til ömmu sinnar má sjá neðar í fréttinni.

„Hópurinn okkar er mjög þéttur og allir sem sáu heimildaþættina á Amazon vita að Granny Val var óbeint mjög stór hluti af hópnum okkar. Það var fullt af fólki í kringum liðið sem elskaði hana án þess að þekkja hana neitt. Sigurinn í kvöld er tileinkaður Kalvin og fjölskyldu hans,“ sagði framherjinn Patrick Bamford í viðtali eftir leikinn.


Athugasemdir
banner
banner
banner
banner
banner