Iliman Ndiaye, leikmaður Everton, hefur gefið það fullkomlega skýrt út hvað honum finnst um að Senegal hafi verið svipt Afríkumeistaratitlinum.
Ndiaye var hluti af senegalska landsliðinu sem vann Afríkumeistaratitilinn í janúar eftir 1-0 sigur á Marokkó í úrslitum.
Afríska fótboltasambandið svipti hins vegar Senegal titilinum fyrr í vikunni eftir að liðið ákvað að ganga af velli til að mótmæla umdeildri vítaspyrnu sem Marokkó fékk.
Ndiaye og Idrissa Gueye, samherji hans hjá Everton og í landsliðinu, héldu uppi tveimur fingrum, eftir að Ndiaye skoraði í 3-0 sigri gegn Chelsea um helgina, sem táknaði fjölda Afríkumeistaratitla sem þeir telja að Senegal hafi unnið.
Eftir leikinn horfði Ndiaye í myndavél og öskraði „Afríkumeistarar."
Athugasemdir
