Brynjar Björn Gunnarsson, þjálfari HK
„Verðskuldaður sigur, hefði hæglega geta verið stærri en Gróttumenn voru grimmir og öflugir, pressuðu vel og voru ógnandi þannig við þurftum að hafa allan varan á eiga góðan leik til að ná sigri," voru fyrstu viðbrögð Brynjars Björns Gunnarssonar þjálfara HK eftir sigurinn á Gróttu í 32-liða úrslitum Mjólkurbikars karla.
Lestu um leikinn: HK 2 - 1 Grótta
Gróttumenn fengu sín færi en HK-ingar vörðust því vel og var Brynjar Björn ánægður með varnarleik liðsins í kvöld.
„Grótta spilaði vel og voru ógnandi, ógnuðu markinu og voru ekki bara að spila til að spila þannig við þurftum að verjast vel og gerðum það inn í teignum okkar í dag."
„Við þurftum aðeins að laga stöðuna í hálfleik og mér fannst ganga betur með þá í síðari hálfleiknum og eins og segir þeir hefðu á einhverjum mögulega getað jafnað en mér fannst við einhverneigin hafa leikinn í hendi okkar og það var svona okkar að tapa honum þegar við vorum komnir í 1-0."
HK fær Breiðablik í næsta leik í Pepsí Max-deildinni og var Brynjar Björn spurður út í þann leik sem fer fram næstkomandi sunnudag.
„Sigur, skorum tvö mörk og sköpum fullt af færum og það er alltaf góð tilfinning að fara inn í klefa eftir 90. mínútur með sigur á bakinu og eigandi Blikana hér á Sunnudaginn."
Viðtalið í heild sinni má sjá í sjónvarpinu hér að ofan.
