Sigurpáll í leik með Fjölni.
HK heldur áfram að styrkja sig í þessum félagaskiptaglugga og ljóst er að liðið ætlar sér að fara upp í Pepsi-deildina.
Sigurpáll Melberg Pálsson er kominn í Kópavoginn á láni frá Fjölni.
Sigurpáll er 21 árs varnar og miðjumaður en hann var fyrirliði Fram í Inkasso-deildinni í fyrra. Sigurpáll er uppalinn í Aftureldingu en þar spilaði hann sitt fyrsta tímabil í meistaraflokki árið 2014.
Sigurpáll hefur í sumar komið við sögu í tveimur leikjum í Pepsi-deildinni með Grafarvogsliðinu.
Hann fer nú í Inkasso-deildina, til HK sem er í toppbaráttu þar, reyndar er liðið á toppi deildarinnar með 28 stig, tveimur stigum meira en Víkingur Ólafsvík og Þór.
HK hefur í þessum glugga bætt við sig bakverðinum Herði Árnasyni og sóknarleikmanninum Mána Austmann frá Stjörnunni auk Sigurpáls sem kemur eins og áður segir á láni frá Fjölni.
Athugasemdir
