Búið er að færa leik Vestra og Keflavíkur í 18. umferð Lengjudeildar karla en liðin mætast á föstudag klukkan 16:15 en ekki á laugardag eins og áætlað var.

Spáð er rigningu á Ísafirði á laugardag og vegna vallaraðstæðna hefur leikurinn verið færður.

Rigning setti stórt strik í reikninginn í síðari hálfleik hjá Vestra og Leikni F. á sunnudag en þar mynduðust pollar á Olísvellinum.

Í 3. deildinni hefur leikur Ægis og KV verið færður frá laugardegi yfir á föstudag út af veðurspá.