Leeds og Arsenal hafa bæði sent frá sér yfirlýsingar þar sem félögin fordæma skilaboð sem Ezgjan Alioski og Nicolas Pepe hafa fengið á samfélagsmiðlum.
Pepe skallaði Alioski í leik liðanna í gær og fékk beint rautt spjald fyrir vikið.
Báðir leikmenn hafa fengið send ljót skilaboð á samfélagsmiðlum eftir leikinn.
„Við fordæmum þau ljótu skilaboð sem Nicolas Pepe og Ezgjan Alioski hafa fengið á samfélagsmiðlum eftir leik okkar gegn Leeds," segir í yfirlýsingu frá Arsenal.
„Þetta er algjörlega óásættanlegt og við munum vinna með lögreglunni og yfirvöldum til að gera allt sem í okkar valdi stendur til að finna sökudólgana."
Athugasemdir