Aron Einar í leiknum.
Fyrirliðinn Aron Einar Gunnarsson lék fyrri hálfleikinn þegar Ísland tapaði fyrir Mexíkó í Santa Clara.
Hvernig var að snúa aftur út á fótboltavöllinn eftir meiðsli?
Hvernig var að snúa aftur út á fótboltavöllinn eftir meiðsli?
Lestu um leikinn: Mexíkó 3 - 0 Ísland
„Það er gott að vera búinn með fyrsta leikinn eftir aðgerð. Jákvætt að komast út úr þessum 45 mínútum. Lungun voru ágæt, líkaminn fylgdi ekki alltaf eftir hausnum. Þetta tekur tíma en mér leið vel inni á vellinum," segir Aron.
„Við spiluðum vel í fyrri hálfleiknum og við sköpuðum flest færin í leiknum. Þeir fengu einhverja lélega aukaspyrnu sem mér fannst ekki vera aukaspyrna. Mér fannst hann (Mexíkóinn) vera niðri með hausinn."
„3-0 gefur ekki alveg rétta mynd á þennan leik, þeir eiga skilið að vinna og voru meira með boltann. Mitt mat var að við vorum ekki síðri aðilinn hvað varðar færi en þeir nýttu sín færi betur en við og uppskáru sigur."
Aron fer nú heim til Cardiff en ákveðið var að hann myndi bara leika fyrri landsleikinn. Hann verður því ekki með gegn Perú á þriðjudagskvöld.
„Það er leikur á föstudaginn og það er mikilvægt að ná góðum undirbúningi. Auðvitað vill ég spila alla landsleiki en þetta er fín niðurstaða, leyfa Warnock að ráða við og við," segir Aron.
Sjáðu viðtalið í heild sinni í sjónvarpinu hér að ofan.
Athugasemdir
